Zaxarova erməni jurnalistin sualına belə cavab verdi | Bundan çəkinin!

“Qaçqınlar və müvəqqəti köçkünlər mövzusu çox yaxşı bildiyiniz kimi, hər iki tərəf üçün aktualdır və bunu nəzərə alaraq hesab edirik ki, həm Bakı, həm də İrəvan üçün humanitar məsələlərin bütün spektri, o cümlədən mədəni, tarixi, dini irs abidələrinin qorunub saxlanması, qarşılıqlı əsasda vətəndaşlar üçün qəbiristanlıqlar və hərbi əməliyyatlar zamanı itkin düşmüş şəxslərin axtarışı məqsədilə təhlükəsizlik təminatı və sərbəst girişin təmin edilməsi ilə bağlı dialoqun fəallaşdırılması faydalı olardı. Əgər Rusiyanı buna cəlb etmək zərurəti yaranarsa, o zaman Rusiya tərəfi buna hazırdır”.

Bu sözləri Rusiya Xarici İşlər Nazirliyinin sözçüsü Mariya Zaxarova erməni jurnalistin Qərbi Azərbaycan mövzusu sualına cavab olaraq bildirib.

O qeyd edib ki, biz müntəzəm olaraq rəsmi Bakıya və İrəvana səslənirik ki, tərəflər bir-birinin ərazi bütövlüyünə hörmətsizlik, dövlətə təhdid, mübahisəli məsələlərin həlli üçün güc ssenari kimi qəbul edilə biləcək ritorikadan çəkinsinlər.