Zelenski Polşadan dünyaya mühüm mesajlar verdi

Ukrayna Prezidenti Volodimir Zelenski və Polşa Prezidenti Andjey Duda Varşavanın mərkəzində yerləşən Kral Qalası meydanında çıxış ediblər. Onlar Ukrayna-Polşa əlaqələrini və Rusiyaya qarşı birgə mübarizəni müzakirə ediblər.

Ukrayna Prezidenti hərbi dəstəyi üçün Polşaya minnətdarlığını bildirib. Andjey Duda isə qeyd edib ki, əgər ehtiyac olarsa Polşa Ukraynaya daha çox “MiQ-29” təyyarələri göndərəcək.

“Azad Ukrayna yoxdursa, azad Polşa da yoxdur. Ukrayna və Polşa birlikdə mübarizə aparsa, Rusiya Avropaya qalib gələ bilməz. Biz birlikdə hər yerdə çiyin-çiyinə mübarizə aparacağıq! Avropa İttifaqında da, NATO-da da biz birlikdə olacağıq! Bu 2 azad millətin taleyinin davamıdır!”, - deyə V.Zelenski vurğulayıb.