Zelenski Rusiyadakı hadisələri şərh etdi

Ukrayna Prezidenti Volodimir Zelenski Rusiyadakı hadisələri şərh edib. Prezident bu barədə “Twitter” səhifəsində yazıb.

“Pislik yolunu seçən hər kəs özünü yox edər. Başqa bir ölkənin həyatını məhv etmək üçün əsgər göndərən, raketlərlə terror törədən, insanları xor görən, sonunda Moskva bölgəsində silahlandırdığı adamlardan barrikada quran və 100 minlərlə insanı savaşın içinə atan Rusiya hökuməti zəifliyini və səfehliyini gizlətmək üçün uzun müddət təbliğatdan istifadə etdi. Lakin indi o qədər böyük xaos var ki, heç bir yalan onu gizlədə bilməz. Ukrayna Avropanı Rusiyadan qoruya bilər”, – deyə V.Zelenski paylaşımında bildirib.

Qeyd edək ki, “Vaqner” muzdluları Rusiyada hərbi qiyam qaldırıb. Prezident Vladimir Putin xalqa müraciəti zamanı “Vaqner” rəhbərinin hərəkətlərini xəyanət adlandırıb. O, qiyamın yatırılması üçün müvafiq tapşırıqların verildiyini bildirib.