Azərbaycanda “Starlink” interneti ilə bağlı qiymətlər və şərtlər açıqlandı

29 mart 2025 1047 baxış

Azərbaycanda “Starlink” qlobal peyk rabitə sisteminin xidmətləri rəsmən istifadəyə verilib.

Bu barədə peyk şəbəkəsinin “X” sosial media hesabında paylaşım edilib.

Qeyd edilir ki, “Starlink”in yüksək sürətli və aşağı gecikməli internet xidməti artıq Azərbaycanda mövcuddur.

Qeyd edək ki, "Starlink" xidməti ABŞ-li məşhur milyarder və novator İlon Maska məxsus "SpaceX" şirkəti tərəfindən həyata keçirilir. Şirkət tərəfindən orbitə buraxılan minlərlə peyk vasitəsilə dünyanın istənilən nöqtəsinə yüksək sürətli internet çıxışı təmin edilir. 2022-ci ilin dekabr ayında "SpaceX" Bakıda "Starlink Azerbaijan" adlı şirkət qeydiyyatdan keçirərək, ölkəmizdə fəaliyyətə başlayıb.

Azərbaycanlı istifadəçilər "Starlink" xidmətindən yararlanmaq üçün müəyyən şərtləri yerinə yetirməlidirlər. İlk növbədə 670 manata "Starlink Standart Kit" əldə etmək lazımdır. Daha sonra 50 manat çatdırılma ödənişi və 100 manat aylıq abunəlik haqqı ödənilməlidir.

#Starlink xidmətləri