Batareyanızın daha tez tükənməsinə səbəb olan səhv | Bəs çıxış yolu nədir?

Rahatlıq üçün gecə boyunca telefonunuzu elektrik şəbəkəsinə qoşulu vəziyyətdə saxlayırsınız? Bəs bilirsinizmi, bu, cihazın batareyasına zərər verə bilər.

Müasir smartfonlar kifayət qədər ağıllıdır, lakin onların batareyaları hələ də həddindən artıq yüklənmə problemi ilə qarşılaşır. Yatmazdan əvvəl telefonunuzu elektrik şəbəkəsinə qoşduqda, o, bir neçə saat ərzində 100%-ə çatır və sonra tam dolu vəziyyəti qorumaq üçün mikroenerji impulsları almağa davam edir.

Bu proses batareyanın həddindən artıq istiləşməsinə və kimyəvi aşınmasına səbəb olur. Nəticədə tutumu tədricən azalır və cəmi bir il ərzində batareyanın ömrü yarıya qədər zəifləyə bilər.

Ekspertlərin sözlərinə görə, cihazınızı səhər və ya günorta saatlarında doldurun ki, prosesi nəzarətdə saxlaya biləsiniz. Bundan əlavə telefonu sərt səthdə saxlayın. Yastıq və ya yorğan kimi yumşaq materiallar ventilyasiyanı pozur və istiləşməni artırır.