"iPhone" uduzdu, yoxsa...? - Ən çox satılan smartfonlar açıqlandı

“Counterpoint” analitikləri 2024-cü ilin sonuna qədər dünyanın ən populyar smartfonlarının reytinqini dərc ediblər.

Birinci yerdə iPhone 15-dir. Sonrakı iki pillə iPhone 15 Pro Max və iPhone 15 Pro-ya aiddir. iPhone 16 Pro isə Samsung Galaxy A15 5G-yə uduzub. Çünki 4-cü yerdə Samsung Galaxy A15 5G-dir.

iPhone 16 Pro-dan sonra ən çox satılan smartfon isə Galaxy A15 4G-dir. 7-ci yeri flaqman Samsung Galaxy S24 Ultra tutub. Bu model flaqman Galaxy S xəttini 2018-ci ildən bəri ilk dəfə olaraq dünyanın ən populyar 10 smartfonu sırasına qaytarıb. İlk 10 yeri iPhone 14 və Samsung Galaxy A05 bölüşdürür.

Ekspertlər hesab edirlər ki, istehsalçılar öz cihazlarında süni intellekt (AI) imkanlarına diqqət yetirməyə davam edəcəklər. Süni intellekt 2025-ci ildə smartfon satışlarında əsas diqqət yetirilən üstünlük ola bilər.