Süni intellekt ər-arvad münasibətlərində təhlükəli faktora çevrilir
Yeniliklərdən dərhal xəbərdar olun
Ailə psixoterapevtləri və boşanma işləri üzrə vəkillər həyəcan təbili çalırlar: süni intellekt getdikcə daha çox şəxsi münasibətlərə müdaxilə etməyə başlayıb. Çatbotlarla ünsiyyət artıq zərərsiz bir məşğuliyyət olmaqdan çıxaraq ailə münaqişələrinə təsir edən yeni amilə çevrilib.
Bu barədə "Bloomberg" agentliyi məlumat yayıb.
"Son mübahisəmizdən sonra ərim artıq mənimlə danışmaq istəmədiyini dedi. Bunun əvəzinə telefonunu çıxardı, "ChatGPT"ni açdı və yazmağa başladı", – deyə nəşr həmsöhbətinin sözlərindən sitat gətirib.
İnsanlar neyron şəbəkələrdən yalnız dəstək almaq üçün deyil, həm də mübahisələrdə üstünlük qazanmaq məqsədilə istifadə edirlər. Tərəfdaşlar haqlı olduqlarını təsdiqləmək üçün "ChatGPT"yə müraciət edir, daha sonra isə süni intellektlə yazışmalarını "məhkəmədə sübut" kimi təqdim edirlər. Vəziyyət emosional dəstək axtarışının tərəfdaşlardan biri tərəfindən xəyanət kimi qəbul edildiyi hallarda daha da gərginləşir.
Hüquqşünas Timoti Flinn bir qadının ərinin çatbotla yazışmalarını yaddaş kartında gətirdiyi məhkəmə işi barədə danışıb. O bildirib ki, ailə problemləri ilə bağlı başlayan söhbət sonradan əyləncə xarakteri alıb.
Mütəxəssisin sözlərinə görə, süni intellekt heç də həmişə münasibətləri korlamır.
"Bəzi cütlüklər mesaj göndərməzdən əvvəl mətnlərdəki aqressiv ifadələri yumşaltmaq üçün "Claude" və ya "ChatGPT"dən istifadə edirlər. Bu da cütlüklərin ünsiyyətində gərginliyin azalmasına və mübahisələrin daha konstruktiv şəkildə həllinə kömək edir”, – deyə Flinn əlavə edib.
#Süni intellekt teqi istifadə olunub
- ABŞ Çinin Amerika çiplərinə çıxışını necə məhdudlaşdırmaq istəyir? - Baku TV CANLI
- Süni intellektə yatırımlar səhm bazarında suallar doğurur
- Musiqi sənayesində inqilab
- İnsan bəstələyir, süni intellekt oxuyur | Musiqidə böyük dəyişiklik - Baku TV
- “Xüsusilə onların rəqs bacarıqları heyrətamizdir” | Almaniyalı texniki məsləhətçi
