Avtomobil istifadə edənlər diqqətli olun! - Qəza riski yaradan faktorlar

Pəncərəni açan kimi dərhal zərərli maddələrlə nəfəs almağa başlayırıq. Hər nəfəs aldıqda ağciyərlərimizə işlənmiş qazların, rezin qalıqlarının, əyləc yastıqlarının və yol örtüyünün tozlarının qarışığından ibarət hava dolur.

Bu barədə “Za Rulem” jurnalının avtomobil üzrə eksperti Mixail Kolodoçkin xəbərdarlıq edib.

O, avtomobildə pəncərələrin açıq olması nəticəsində baş verə biləcək xoşagəlməz halları sadalayıb.

“Bundan başqa, açıq pəncərələr vasitəsilə avtomobilin salonuna həşəratlar da daxil ola bilər. Sürücü onlardan canını qurtarmağa çalışarkən diqqəti yayına bilər və bu da qəza riskini artırar”, ‒ deyə o əlavə edib.

Daha bir narahatlıq hava burulğanlarıdır: pəncərə açıq olan zaman gələn səslər sürücünü və sərnişinləri yorur. Bir neçə dəqiqəlik səs-küylü sürüş belə səssiz salonda bir saatlıq gediş qədər yorucu ola bilər.

Ekspert bildirib ki, əgər avtomobil qəza keçirərsə, pəncərələr bağlı olduqda sürücü və sərnişinlərin şüşə qırıntılarından zədələnmək ehtimalı daha az olur, şüşə zərbənin bir hissəsini üzərinə götürür.

Unutmaq olmaz ki, açıq pəncərələrlə hərəkət edən avtomobil pəncərələri bağlı və kondisioneri işləyən avtomobillə müqayisədə 3-10% daha çox yanacaq sərf edir.