Bakıda bu küçənin bir hissəsi əsaslı şəkildə yenidən qurulur | AAYDA görüntülər yaydı
Azərbaycan Avtomobil Yolları Dövlət Agentliyi "Ağ şəhər" yol infrastruktur layihələri çərçivəsində Süleyman Vəzirov küçəsinin bir hissəsində yenidənqurma işləri aparır.
Bu barədə Azərbaycan Avtomobil Yolları Dövlət Agentliyi məlumat yayıb.
Bildirilib ki, uzunluğu 1100 metr təşkil edən sözügedən küçənin hərəkət hissəsinin eni 14 metrdir.
Yenidənqurma işləri çərçivəsində küçəboyu frezlənmə işləri aparılıb, vətəndaşların rahat və təhlükəsiz hərəkətini təmin etmək məqsədilə mövcud piyada səkiləri bərpa olunur, zəruri yerlərdə yeniləri inşa edilir.
Küçə boyu 5 metr enində yeni piyada səkilərinin tikintisi icra olunur, səki hissələrin bəzək daşlarla örtülməsi işləri aparılır.
Bundan başqa, avtonəqliyyat vasitələrinin rahat və təhlükəsiz parklanmasını təmin etmək üçün 2,5 metr enində xüsusi parkinq yerləri yaradılır.
"İnşaat Norma və Qaydaları"nın tələblərinə əsasən, yeni asfalt-beton örtüyünün döşənməsi, avtonəqliyyat vasitələrinin rahat və təhlükəsiz hərəkətinin təşkili üçün işıqforların və siqnal dirəklərinin quraşdırılması, zəruri yerlərdə yol nişanlarının qoyulması, yolcizgi, yolgöstərici, həmçinin piyada zolaqlarının çəkilməsi ilə küçənin sözügedən hissəsi qısa müddət ərzində yeni və müasir görkəmdə vətəndaşların istifadəsinə veriləcək.
#Avtomobil Yolları Dövlət Agentliyi teqi istifadə olunub
- “Ancaq çatanda bilirik ki...” | 9 ildir istifadəyə verilən körpü niyə işıqlandırılmır? - Baku TV
- Asfalt üzünə həsrət qalan Zərdab sakinləri şikayətləndi - Baku TV
- “Bu yola baxanlar kimdirsə...” | Sürücülər təhlükəli vəziyyətdən danışdı - Baku TV
- "Baxımsızlıqdan su yuyub-apardı" | Sakinlər niyə çarəsiz vəziyyətdə qalıb? - Baku TV
- İşıqsız qalan magistral yol sürücülər üçün təhlükəyə çevrilib - Baku TV
