Pleyeri seçin:
Bakıda Milli İnsan Resursları Forumu keçirilib
Bakıda “Gələcəyə dəyər” adı altında növbəti Milli İnsan Resursları Forumu keçirilib.
Tədbirdə İnsan Resursları sahəsi üzrə 500 nəfərə qədər mütəxəssis, dövlət və özəl sektorların nümayəndələri, sahibkarlar iştirak ediblər.
Forumda Türkiyədən də peşəkarlar iştirak edib. Tədbir çərçivəsində üç panel toplantı təşkil olunub. Forum ölkəmizdə insan resursları idarəçiliyinin inkişafına dəstək verilməsini və sahə üzrə yerli kadrların daha da təkmilləşdirilməsini hədəfləyir.
3 moderator və 13 spiker gələcəyə dəyər qatmaq üçün “Gələcəyin insanı”, “İstedad, yoxsa təcrübə?”, “Fərqli prizma” üzrə müxtəlif mövzuları müzakirə ediblər.
Tədbir çərçivəsində “Sürətlə dəyişən iş mühitlərinin necə bir işçi qüvvəsinə ehtiyacı olacaq?” və “Gələcəkdə istedadlı işçilərin şirkətlərə bağlılığını artırmaq üçün necə iş mühiti qurulmalıdır?” sualı müzakirə olunub. İştirakçıları maraqlandıran bir çox mövzular ətrafında fikir mübadiləsi aparılıb.
Kopyalandı
#Milli İnsan Resursları Forumu teqi istifadə olunub
Seçilmişlər
