Bakının yeni Baş Planı | Paytaxt belə olacaq

Paytaxt Bakının 2040-cı ilədək inkişafına dair Baş planın təqdimatı keçirilib.

Təqdimatda iştirak edən Bakı Şəhər İcra Hakimiyyətinin başçısı Eldar Əzizov bunun Bakı şəhərinin tarixində 7-ci Baş plan olduğunu bildirib:

“Bu Baş planın üstünlüyü ondadır ki, konseptual xarakter daşıyır”.

Təqdimatda iştirak edən Nazirlər Kabinetinin şöbə müdiri Feyruz Mustafayev Baş planın üstünlüklərinin çox olduğunu deyib. Onun sözlərinə görə, plana əsasən, Bakıda köhnə qəzalı binalar qalmayacaq. Qeyd edilib ki, Bakı şəhərində 130 binadan 60-ı ilə bağlı sənədlər artıq Şəhərsalma Komitəsinə göndərilib.

Tədbir çərçivəsində Bakı şəhərinin yeni Baş planına dair məlumat xarakterli videoçarx nümayiş olunub, həmçinin sənədin üstünlükləri, ən önəmli məqamları ilə bağlı geniş təqdimat keçirilib.