Bazarda qiymətlər niyə bahadır? - Alıcılar da şikayət edir, satıcılar da

İsmayıllı bazarında durğunluq hökm sürür.

Bazarda meyvə-tərəvəzin qiymətində artımın müşahidə edilməsi alıcı qıtlığına səbəb olub.

Satıcıların sözlərinə görə, əvvəlki illərlə müqayisədə məhsul satışında geriləmə hiss olunur: “Əvvəl 100-200 kq məhsul satırdıqsa, indi 5 kq sata bilirik”.

Alıcılar isə bildirirlər ki, mövsümi meyvələr satışa çıxarılsa da, qiymətin baha olması səbəbindən almağa imkanları yoxdur.

“Mövsümi meyvələri hələ ki kasıblar yemirlər. Bir ay sonra pomidor, xiyar, 4-5 ay sonra da alma, armud yeyə biləcəyik”, – deyə alıcı söyləyib.