Bu dairədə kimin kimə yol verməli olduğu əsl tapmacaya çevrilib | NECƏ OLMALIDIR?
“Necə olmalıdır?” rubrikasında bu dəfə Xırdalan şəhəri ilə Masazır qəsəbəsini birləşdirən dairədə yaranan xaotik vəziyyət barədə məlumat verilib.
Bildirilib ki, Masazır qəsəbəsindən dairəyə daxil olanlar üçün üstünlük nişanı yoxdur, amma sürücülər özlərini dairədəki kimi aparırlar. İrəlidə dairənin mövcudluğunu bildirən nişan yalnız Sumqayıt istiqamətindən gələnlər üçün qoyulub. Nişanın olmaması səbəbindən Masazır tərəfdən gələnlər sağdan yaxınlaşan nəqliyyat vasitələrinə yol verməlidirlər.
Digər tərəfdən paytaxt Bakı istiqamətindən gələn avtomobillərin çoxluğu vəziyyəti daha da gərginləşdirir. Bəzi hallarda sıxlıq sürücülərin öz hərəkətlərindən qaynaqlanır. Məsələn, Masazır istiqamətinə hərəkət etmək istəyənlər üçün işıqforun əlavə bölməsində yaşıl işıq daim yanır. Lakin yolun hərəkət intensivliyi səbəbindən keçid xeyli çətinləşir.
Bununla yanaşı, piyadaların da bu ərazidən yolu keçməsi təhlükəni artırır. Çünki burada nə piyada keçidini bildirən yol nişanı var, nə də nişanlanma xətləri düzgün deyil.
#Xırdalan şəhəri teqi istifadə olunub
- "Adını şəhər qoyublar, kəndə layiq deyil" | Xırdalanda xaotik vəziyyətin səbəbi nədir? - Baku TV
- “Hər şeyi ödəyirik, qalmışıq ortalıqda” - Çəkilişdə görün necə aradan çıxmaq istədilər - Baku TV
- Azərbaycanlı polkovniklə bağlı dəhşətə gətirən xəbər | Qonşu hər şeyi danışdı - Baku TV
- Xırdalanda gediş-gəlişi asanlaşdırmaq və sıxlığı azaltmaq üçün hansı işlər görüləcək? - Baku TV
- "Bu yolun yiyəsi haradadır?" - Küçədə dəhşətə gətirən mənzərə: "Vurub öldürəcəklər" - Baku TV
