Bu virusa yüngül xəstəlik kimi baxmayın | Həkimlərdən xəbərdarlıq

Xarici alimlərin araşdırmalarına görə, qrip koronavirusdan iki dəfə çox nevroloji pozğunluğa səbəb olur.

Bu barədə “Healthday”də məlumat verilib.

Yerli həkimlər də qripin neyrotoksik təsirinin COVID-19-dan güclü olduğunu deyirlər.

Həkim Abbas Bağırov bildirib ki, koronavirusun toksinləri əsasən tənəffüs yollarını əhatə etdiyi halda qripin toksini ən çox beyin strukturlarında toplaşır:

“Bu da mərkəzi sinir sistemində yaddaş zəifləməsi ilə bərabər, digər patoloji əlamətlərin üzə çıxmasına yol açır. Əsas zədələnmələr beyin qabığında qabıqaltı strukturlarda baş verir. Neyropatiyalar, hərəki pozğunluqlar, sinir oyanmaları, kəskin baş ağrıları, görmə və eşitmə pozulması halları ortaya çıxa bilir”.

Həkimlər qeyd ediblər ki, qripə yüngül xəstəlik kimi baxılmamalıdır. Həkim nəzarətində müalicə aparılmalıdır ki, ağırlaşma baş verməsin.