Çimərlik mövsümündə sakinləri narahat edən mənzərə | Rəsmi qurumdan açıqlama - Baku TV

Sosial şəbəkələrdə Şıxov çimərliyi ərazisində dənizə iridiametrli boru ilə çirkli suyun axıdılmasını əks etdirdiyi iddia olunan videogörüntülər yenidən müzakirələrə səbəb olub.

Məsələ ilə bağlı Azərbaycan Dövlət Su Ehtiyatları Agentliyi yanında Suların İstifadəsinə və Mühafizəsinə Dövlət Nəzarəti Xidmətinin nümayəndəsi Toğrul Həsənzadə açıqlama verib.

O bildirib ki, yayılan görüntülər köhnə materiallardır və iddialar həqiqəti əks etdirmir:

"Vətəndaşlarımız əmin ola bilərlər ki, narahatlığa heç bir əsas yoxdur. Sözügedən maye tullantı və ya çirkab su deyil. Ərazidə gəmilərin təhlükəsiz yanalması üçün dibdərinləşdirmə işləri aparılır. Bu texniki proses zamanı dənizin dibindən çıxarılan qum və çöküntü dəniz suyu ilə qarışaraq borular vasitəsilə digər hissəyə ötürülür".