Depressiyaya düşmək istəmirsinizsə, bu yeməkdən uzaq durun
Çində qızardılmış qidalar üzərində aparılan araşdırmada diqqətəlayiq nəticələr əldə edilib. Məlum olub ki, qızardılmış yeməklər depressiyaya səbəb olur.
Aparılan araşdırmada 11 il ərzində 140 728 adam izlənilib. Müşahidə olunub ki, kartof qızartmasını tez-tez istehlak edənlər nisbətən yüzdə 12 daha çox narahatlıq və yüzdə 7 daha çox depressiya keçiriblər.
Xüsusilə nişastalı qidalar yüksək temperaturda bişirildikdə zərərli akrilamid maddəsi meydana çıxır. Təbiətdə olan bu maddə orqanizm üçün çox zərərlidir. Xüsusilə beyindəki neyronlara təsir göstərir.
Hamilələrin xüsusilə diqqətli olması lazımdır. Bişirmə texnikasına diqqət yetirilməlidir. Yeməklər çox qızardılmamalıdır. Buxarda bişmiş yeməklərə daha çox üstünlük verilməlidir.
Qızartmadan əl çəkə bilməyənlər bəzi məqamlara diqqət yetirməlidirlər. Məsələn kartofları doğradıqdan sonra bir saat suda isladıb üzərinə limon sıxmaq nişastanı bir az da azaldır, az zərərli edir.
Birdəfəlik yağda yüngülcə qızardılmış qidalar isə tez-tez istifadə olunmadıqda ziyanlı olmaya bilər.
![icon](/images/loading.png)