Deyirlər ki, səhv əməliyyat olunub | Çimnaz Sultanovanın rejissoru daha nələri danışdı?

“Xəstəliyi ilə mübarizə aparırmış. Mən də səhv əməliyyat olunması barədə məlumat eşitmişəm”.

Bunu Çimnaz Sultanova ilə vida mərasimində jurnalistlərə açıqlamasında rejissor Nail Naiboğlu deyib.

O, Çimnaz Sultanova ilə sonuncu dəfə ötən ilin avqustunda əlaqə saxladığını bildirib:

“Tədbirə gəlməli idi, lakin orada iştirak etmədi. Mən ondan niyə gəlmədiyini soruşanda isə heç bir cavab vermədi. Sən demə, həmin ərəfədə artıq müalicələri gedirmiş. Yəni artıq xərçəng xəstəsi olduğunu bilirmiş”.

“Ümumiyyətlə heç kimə xəstəliyi barədə məlumat verməyib. O, sosial mediadan da uzaqlaşmışdı. Özünün “Telegram” kanalı var idi və biz elə bilirdik ki, o kanala görə heç kimlə görüşmək istəmir. Biz də hərdən ona deyirdik ki, səni görmək üçün gərək pul verək”, – deyə rejissor sözlərinə əlavə edib.