Əhalinin yoxa çıxdığı, gəlinlərin qayınata ilə danışmadığı kəndin sirləri - KƏNDİNƏ QAYIT
“Kəndinə qayıt” verilişinin yeni buraxılışında əliklilərin yaşadıqları Qubanın Əlik kəndinə səyahət olunub.
Hazırda kənddə, sadəcə, 25 evdə yaşayış var. Burada əhalinin sayının azalmasının səbəbi 2011-ci ildə baş verən torpaq sürüşməsidir. Təbiət hadisəsi nəticəsində kənddə yerləşən 58 evdən 5-i tamamilə uçub, 10-dan çox ev isə qəzalı vəziyyətə düşüb.
Nəbi Sultanov da torpaq sürüşməsindən zərərçəkən sakinlərdəndir. O bununla bağlı Baku TV-yə danışıb:
“Evimi sonradan özüm bərpa etmişəm. Əhali sürüşməyə görə rayona yaxın kəndlərə köçüb. Mən isə burada səhhətimlə bağlı qalmışam. Birinci Qarabağ müharibəsində iştirak etmişəm, ikinci qrup əliləm. Orada nevroloji travma aldığım üçün həkimlər mənə burada qalmağı məsləhət görüblər”.
Kənd sakini Əmrah müəllim isə əliklilərin tarixindən bəhs edib.
“Əliklərin tarixi çox qədimdir. Onlar 26 alban tayfasından biridir. Dili ləzgi dilinə yaxındır. Burada 1941-1945-ci ildə 90 təsərrüfat sahəsi var idi. Sakinlər maldarlıq, əkinçiliklə məşğul olardılar. Torpaq sürüşməsinə görə kənddən köçən qonşularım və qohumlarım üçün çox darıxıram”, – o söyləyib.
#Quba rayonu teqi istifadə olunub
- "Qonaq gələndə üzümüz qara olur" | Kənd sakinləri niyə soyuqda qalmağa məcbur olub?
- "Təcrid olunmuş" kənddə həyat | Kimsə öləndə bu daşa çıxırlar ki... - KƏNDİNƏ QAYIT
- Sakinlərin sevincinin yerini niyə qorxu alıb? | "Sevinmişdik ki, güclü işıqlarımız olacaq..."
- Qubada insan sümükləri aşkarlanıb
- Aparıcı şoka düşdü | 50 il geridə qalan bu kənddə nələr baş verir? - KƏNDİNƏ QAYIT
