Ən geridə qalan kənddir | Quba kəndi sakinlərinin şikayətinə qurumdan cavab

Qubanın Mirzəqışlaq kəndinin sakinləri susuzluqdan əziyyət çəkirlər.

800-ə yaxın sakin yaşayan kənddə mövcud olan iki quyunun heç biri işləmədiyi üçün əhali təsərrüfat üçün nəzərdə tutulan subartezian qutyusundan istifadə etmək məcburiyyətində qalıb. Lakin bir aydır ki, o quyu da quruyub.

Sakinlər deyirlər ki, məsələ ilə bağlı aidiyyəti qurumlara dəfələrlə müraciət etsələr də, problem öz həllini tapmayıb.

“Bu kənddə 30 ildir su yoxdur. Maşınla başqa kəndlərdən su gətirməyə məcbur oluruq. Ən geridə qalmış kənddir”, – sakinlər narazılıq bildiriblər.