Fazil Mustafaya qarşı sui-qəsdlə bağlı məhkəmədə nələr baş verdi?

Milli Məclisin deuputatı Fazil Mustafaya sui-qəsddə təqsirləndirilən Emin Əliyarov, Rəşad Əhmədov, Azər Səricanov, Elşad Əsgərov, Səbuhi Şirinovun cinayət işi üzrə məhkəmənin növbəti iclası keçirilib.

Bakı Ağır Cinayətlər Məhkəməsinin hakimi Elnur Nuriyevin sədrliyi ilə keçirilən prosesdə təqsirləndirilən şəxslərin müdafiəçiləri vəsadət qaldıraraq zərərçəkən Fazil Mustafanın növbəti prosesə məcburi gətirilməsini xahiş etdilər.

Vəkillər təklif edib ki, prosesə ifadə verməyə çağırılan 5 nəfər hal şahidlərinin dindirilməsi zərərçəkənin növbəti prosesdə iştirakının təmin olunmasından sonra həyata keçirilsin. Yerində müşavirə edən hakim heyəti qərara alıb ki, zərərçəkən deputatın nəvbəti prosesə məcburi gətirilməsi ilə bağı yox, sadəcə iştirakının təmin olunması ilə əlaqədar sorğu göndəriləcək. Buna görə də məhkəmə iclasına dəvət olunan hal şahidlərinin ifadələri dinlənilib.