Gəncənin Ermənistan tərəfindən raket hücumuna məruz qalmasınının ildönümüdür - Baku TV

Bu gün Ermənistan Silahlı Qüvvələrinin Gəncəyə növbəti raket hücumundan 6 il ötür.

2020-ci il oktyabrın 11-də gecə saat 3 radələrində şəhərin yaşayış məntəqəsinə endirilən ballistik raket zərbəsi nəticəsində 10 mülki şəxs həlak olub, 50-yə yaxın insan yaralanıb.

Hücumun baş verdiyi ərazidə sonradan Gəncə Memorial Kompleksi inşa edilib. Kompleksdə Vətən müharibəsi zamanı Gəncədə və Azərbaycanın digər bölgələrində həlak olan mülki şəxslərin xatirəsi əbədiləşdirilib.

Dövlət layihəsi əsasında yaradılan kompleksin mərkəzində muzey, ətrafında isə geniş park yerləşir.

Hücum nəticəsində dağılan evlər müharibədən sonrakı dövrdə bərpa olunub. Evlərini itirən sakinlər yeni mənzillərlə təmin edilib, onlara dəymiş maddi ziyana görə kompensasiyalar ödənilib.

Gəncə Memorial Kompleksi mülki şəhidlərin xatirəsini yaşadır. Hər il hücumun ildönümündə insanlar buranı ziyarət edərək həlak olanları ehtiramla yad edirlər.