Hansı universitetlərin diplomlarının tanınmasından imtina edilib?

Xaricdə təhsil alıb ölkəyə qayıdan məzunlar üçün ciddi xəbərdarlıq! Keyfiyyət Təminatı Agentliyi (TKTA) diplomların tanınması (nostrifikasiya) ilə bağlı son statistik məlumatları açıqlayıb. Baku TV-nin təqdim etdiyi süjetdə bildirilir ki, xüsusilə qonşu ölkələrdə — Ukrayna, Gürcüstan, Rusiya və Türkiyənin bəzi özəl universitetlərində qiyabi və ya distant formada təhsil alan şəxslərin diplomlarının tanınmasından kütləvi şəkildə imtina edilir. İmtina səbəbləri arasında tələbənin ölkə ərazisində kafi dərəcədə olmaması (sərhəd keçid qeydləri ilə uyğunsuzluq), tədris dilini bilməməsi və universitetlərin akkreditasiyasının olmaması əsas yer tutur. Süjetdə həmçinin "diplom fabriki" kimi tanınan konkret təhsil müəssisələrinin adları və saxta sənədlərlə mübarizə üsulları təhlil olunur. Təhsil alarkən aldanmamaq üçün nələrə diqqət etməli? Ətraflı məlumat Baku TV-nin "Cəmiyyət" rubrikasında.