Pleyeri seçin:
Laza kəndində çay daşdı, hərəkət çətinləşdi
Qusar rayonunun Laza kəndində çay daşıb.
Kəndin mərkəzindən axan Laza çayı məcrasından çıxaraq lil qatı ilə birlikdə yaşayış məntəqəsinə dolub. Bu səbəbdən də kəndin bir hissəsindən digərinə keçid çətinləşib.
Sakinlər bildiriblər ki, belə hal əvvələr də müşahidə olunub. Problemin birdəfəlik həlli üçün çayın kənarına beton bəndlərin vurulması vacibdir.
Əraziyə Qusar Su Meliorasiya Sistemlərinin İstismarı İdarəsinin texnikaları cəlb olunub, yaşayış məntəqələrini daşqın və sel sularından qorumaq məqsədilə sahilbərkitmə işləri həyata keçirilib.
Qeyd edək ki, hazırda yağış səngiyib və çayda suyun səviyyəsi aşağı düşüb.
Kopyalandı
Seçilmişlər
