Lənkəranlılar qədim adətdən danışdı | Cənub bölgəsində “Çillə axşamı”

Cənub bölgəsində dekabrın 20-dən 21-nə keçən gecə, yəni Yer kürəsinin qış fəslinə qədəm qoyduğu günə “Çillə axşamı” deyilir və xüsusi adət-ənənə ilə qeyd olunur.

İlin ən uzun gecəsində bayram süfrəsini əsasən qarpız, balqabaq və şirniyyatlar bəzəyir.

“Çillə qarpızı” və ya ağ balqabaq bolluq, bərəkət rəmzi hesab olunur. Qarpız kəsilən vaxtı niyyət tutulur. İnanca görə, kim “Çillə axşamı” niyyət tutub qarpız və ya balqabaqdan bir dilim yesə, həm arzusuna çatar, həm də növbəti qışa qədər sağlam olar.

“Biz həmişə babalarımızdan belə görmüşük. Hər il də bu ənənəni davam etdiririk”, – kənd sakini deyib.

Qeyd edək ki, xalq arasında qış fəsli çillə adı ilə 3 yerə bölünür. Bunlardan Böyük çillə 40, Kiçik çillə 20, Boz ay isə 30 gün davam edir.