Makiyajdan sonra bu cür istifadə etsəniz... | Qızılgül suyunun bilmədiyiniz faydaları

Qızılgül suyunun faydaları barədə yeni məlumat yayılıb.

Bu su dərini nəmləndirir, quruluğun və gərginliyin qarşısını alır, məsamələri təmizləyir, yağlılığı azaldır və sızanaq əmələ gəlməsinə mane olur. Həmçinin antioksidant və iltihab əleyhinə təsiri ilə yaşa bağlı qırışların əmələ gəlməsini gecikdirir. Dəridəki ölü dərini çıxarır və hüceyrələrin bərpasına kömək edir, göbələk və ekzemanın səbəb olduğu qaşıntıları azaldır, göz altındakı torbaları da aradan qaldırır.

Qızılgül suyunun tərkibindəki E vitamini nəmləndirici təsir göstərir, təraşdan sonra dərinin qıcıqlanmasının qarşısını alır. Bununla yanaşı, günəş yanıqlarının sağalma prosesini sürətləndirən su həssas dərilərdə istifadə üçün uyğundur və tərkibindəki birləşmələr saç follikullarını qidalandırır, gücləndirir.

Qızılgül ləçəkləri dəri üçün təbii təmizləyici rolunu oynayır. O artıq yağı çıxarmağa kömək edir, dərinin qızartısını müalicə edir, qıcıqlanmanı sakitləşdirir, dərini nəmləndirir və nəticədə dəriyə rahatlıq hissi verir. Heç bir əks təsiri yoxdur və dəri tipindən asılı olmayaraq hər kəs istifadə edə bilər.

Sərinləşdirici təsirə malik olduğundan qızılgül suyu istibasma halları yaşayan, anadangəlmə tərləməyə meyilli olan və ya qırmızı üzü olan hər kəsə faydalıdır. Makiyajdan sonra və ya gecə yatmazdan əvvəl üzü gül suyu ilə təmizləyərək parlaq və canlı dəriyə sahib olmaq mümkündür.

Antiseptik xüsusiyyətləri sayəsində yuxusuz, yorğun göz altındakı şişləri müalicə edir. Bunun üçün qızılgül suyunu bir müddət soyuducuda saxlamaq, sonra pambığa sıxıb gözün altına qoymaq lazımdır.