Maşın kirayə etmək üçün bunları etmək kifayətdir
Paytaxtda yeni avtomobil icarə sistemi yaradılıb.
“Car sharing” xidmətindən istifadə etmək üçün telefona mobil tətbiqi yükləyib, qeydiyyatdan keçmək lazımdır. Daha sonra mobil tətbiqdə olan xəritə vasitəsilə ən yaxın olan avtomobillərin ünvanı göstərilir. Həmin avtomobillərdən birini seçib, onu aktiv vəziyyətə gətirmək lazımdır. Sonra isə həmin mobil tətbiqdə avtomobilin həm xaricinin, həm də salonunun şəklini çəkmək mütləqdir.
Qeydiyyatdan keçdikdən və avtomobili aktiv etdikdən sonra bu nəqliyyat vasitəsilə istənilən yerə getmək mümkündür. Bu müddət ərzində mobil tətbiq üzərində göstərilən tarifə əsasən, avtomobilin icarə haqqı müəyyən edilir.
Ünvana çatdıqdan sonra avtomobili uyğun yerdə park edib, daha sonra mobil tətbiq üzərindən gedişi sonlandırmaq lazımdır. Gedişi sonlandırarkən eyni qaydada avtomobilin xaricinin və daxili salonunun şəkillərini çəkmək mütləqdir.
![icon](/images/loading.png)