Neftçilər prospektindən keçənləri sevindirəcək xəbər

Sürücü və piyadaları narahat edən problem artıq həll edildi.

Belə ki, Bakı İdman Sarayının yaxınlığında yerləşən piyada keçidi əvvəllər hərəkət iştirakçıları üçün çətinlik yaradırdı. Bakı İdman Sarayından və yaxınlıqda yerləşən ticarət mərkəzindən çıxan avtomobillər Neftçilər prospekti istiqamətinə dönən zaman qəfil piyada keçidi ilə qarşılaşırdılar. Bu isə piyadalar üçün təhlükəli vəziyyətə gətirib çıxarırdı. İndi isə həmin ərazidə fərqli mənzərə yaşanır.

Sürücülərin çoxsaylı müraciətindən sonra Daxili İşlər Nazirliyinin Nəqliyyatı İntellektual İdarəetmə Mərkəzi aidiyyəti dövlət qurumları ilə birgə Neftçilər prospektindən Dövlət Bayraq Meydanı istiqamətində hərəkətin tənzimlənməsi məqsədilə tədbirlər həyata keçirib.

Təhlükəsizlik məqsədilə həmin piyada keçidinin və keçidi tənzimləyən işıqforların yeri Dövlət Bayraq Meydanı istiqamətinə, bir neçə metr irəliyə köçürülüb. Bununla da yolda nəqliyyat axınının daha optimal idarə edilməsi təmin edilib.