Nəhəng quruculuq işləri davam etdirilir | Kəlbəcərdən yeni görüntülər

“Ümumi uzunluğu 82 kilometr olan Toğanalı-Kəlbəcər-İstisu avtomobil yolu başlanğıcını Toğanalı kəndindən götürməklə Kəlbəcər rayonunun İstisu qəsəbəsinə qədər davam edəcək. Yol birinci və ikinci texniki dərəcənin tələblərinə uyğun qaydada inşa olunmaqdadır”.

Bunu Azərbaycan Avtomobil Yolları Dövlət Agentliyinin (AAYDA) Qarabağ layihələri üzrə mühəndisi Əyyub Hüseynov deyib.

“Yolboyu 5 tunelin tikintisi nəzərdə tutulub. Regionun ən böyük tuneli də məhz bu yol oxunda yerləşir. O, Murovdağ silsiləsinin altından keçir, ümumi uzunluğu 23,4 kilometr təşkil edir.

Yol oxu çətin relyefdən və dağlıq ərazidən keçdiyi, o cümlədən çay yatağı boyunca davam etdiyi üçün yamacbərkitmə işləri, istinad divarlarının və mühəndis qurğularının inşası nəzərdə tutulub. Bu məqsədlə 69 kilometr uzunluğunda sintetik tordan istifadə etməklə yamacbərkitmə işləri görüləcək”, – deyə Ə.Hüseynov bildirib.