Qarabağa Böyük Qayıdış davam edir | Füzuli sakinləri doğma yurdunda

Füzuli şəhərinə növbəti köç karvanı Bakı şəhərinin Qaradağ rayonundan yola düşüb.

Bu gün Füzuli şəhərinə daha 22 ailə – 94 nəfər köçürülür.

Respublikanın müxtəlif ərazilərində yataqxana, sanatoriya, pioner düşərgəsi, yarımçıq tikililər və inzibati binalarda müvəqqəti məskunlaşmış ailələrdən ibarət növbəti köç karvanı dekabrın 18-də Bakı şəhərinin Qaradağ rayonundan yola salınır.

Qeyd edək ki, indiyədək Füzuli şəhərinə 380 ailənin, yəni 1 392 nəfərin daimi məskunlaşması təmin edilib.