Qüdrət Həsənquliyev: Heç kim repetitora pul ödəmədən ali məktəbə qəbul ola bilmir

“Orta məktəblərin buraxılış imtahanlarının nəticələri əsasında ali məktəblərə qəbul həyata keçirilməli, repetitorlara son qoyulmalı, Konstitusiyaya uyğun olaraq orta təhsilin pulsuz olması təmin edilməlidir”.

Bu fikirləri Milli Məclisin deputatı Qüdrət Həsənquliyev parlamentin noyabrın 14-də keçirilən plenar iclasında deyib.

“Elə vəziyyət yaradılıb ki, heç kim repetitora pul ödəmədən ali məktəbə qəbul ola bilmir. Bu isə ailələr üçün ağır maliyyə yüküdür. Universitetlərin, kolleclərin, peşə məktəblərin əksəriyyəti özəlləşdirilməli, imkansız ailələrin uşaqları dövlət hesabına təhsil almalı, təhsil kreditləri faizsiz və hər kəs üçün əlçatan olmalıdır”, – o vurğulayıb.