Qulaq çöplərindən istifadənin ağır fəsadları | Həkim həyəcan təbili çaldı

Təmizlik üçün istifadə edilən qulaq çöpləri tıxanmaya və eşitmə qabiliyyətinin itirilməsinə səbəb ola bilər. Bu barədə türkiyəli mütəxəssis Emre Ocak xəbərdarlıq edib.

Həkim bildirib ki, qulaq öz-özünü təmizləyən orqandır və onu əlavə vasitələrlə təmizləməyin xeyrindən çox ziyanı var.

Onun sözlərinə görə, yayda günəşə çıxdığımız zaman dərimiz soyularaq yeniləndiyi kimi, xarici qulaq kanalı da özünü təmizləyə bilir.

Qulaq çöpü istifadə edən insanlar qulaqlarını təmizlədiklərini zənn edirlər. Bu, sadəcə görünən hissəni təmizləyir, lakin kirin çox hissəsini qulaq kanalına doğru itələyir. Qulaq içəridən özünü təmizləməyə çalışarkən, kənardan belə bir təsir gələndə qulaq kiri içəridə toplanır və tıxanma yaranır.

Bundan əlavə, bu vərdiş, xarici qulaq kanalını qanadaraq infeksiyaya səbəb ola bilər. Bəzi insanlarda hətta qulaq pərdəsini deşərək eşitmə qabiliyyətinin itirilməsinə gətirib çıxarır. Həkim qulaq çöplərindən qəti şəkildə istifadə etməməyi tövsiyə edib.