"Abzas Media" işi böyüyür

“Abzas Media” işi çərçivəsində daha bir jurnalist – Elnarə Qasımova saxlanılıb.

Bu barədə məlumatı “Report”a onun vəkili Bəhruz Bayramov və DİN-in mətbuat xidmətinin əməkdaşı İbrahim Əmiraslanlı təsdiqləyib.

Bəhruz Bayramovun sözlərinə görə, Elnarə Qasımovaya qarşı Cinayət Məcəlləsinin qaçaqmalçılıq maddəsi ilə ittiham irəli sürülüb. Qeyd edək ki, “Abzas Media” işi üzrə bundan əvvəl saytın direktoru Ülvi Həsənli və baş redaktoru Sevinc Vaqifqızı, eyni zamanda direktor müavini Məhəmməd Kekalov, jurnalist Nərgiz Absalamova və Hafiz Babalı qaçaqmalçılıq ittihamı ilə həbs olunublar.

Bundan başqa, “Gündəlik Bakı” qəzetinin təsisçisi və baş redaktoru Habil Vəliyev də bir neçə vətəndaşdan daxil olan müraciətlər əsasında polis tərəfindən saxlanılıb. Məlumatı Daxili İşlər Nazirliyindən də təsdiqləyiblər. Faktla bağlı araşdırma aparılır.