"Arvadım düşünür ki, başqasına yazıram" | Tovuzun bu kəndində həyat niyə belədir? - KƏNDİNƏ QAYIT

“Kəndinə qayıt” verilişinin yeni buraxılışında Tovuz rayonunun Əsrik Cırdaxan kəndinə səfər edilib.

Əsrik Cırdaxan kəndi Azərbaycanın qərb bölgəsində, Tovuz rayonu ərazisində dağətəyi zonaya yaxın yerləşən yaşayış məntəqələrindən biridir. Kənd həm zəngin təbiəti, həm də qədim tarixi ilə seçilir. Burada 7–10-cu əsrlərə aid alban məbədinin mövcudluğu kəndin tarixi əhəmiyyətini daha da artırır.

Veriliş çərçivəsində kənd sakinləri ilə həmsöhbət olunub, kənddəki həyat şəraiti, insanların doğma yurda bağlılığı və gənclərin gələcəyi ilə bağlı fikirləri dinlənilib.

Kənd sakinlərindən biri yaşadığı yeri belə təsvir edib: “Ən gözəl və səfalı yer məhz buradır. Bizim bu bölgənin insanları çox qonaqpərvərdir. Buradakı yaşayışdan daha yaxşısı yoxdur. Mənə 100 min versələr belə, Bakıda yaşamaram”.

Başqa bir kənd sakini isə gənclərlə bağlı narahatlığını dilə gətirib: “Cavanların 90 faizi yoxdur. Kənddə gənclərin bir qisminin təhsil və iş imkanları ilə bağlı çətinlikləri var, bu da onların gələcək planlarına təsir göstərir”.