"Çətinlik doğuran problemlərə qarşı..." | Komitə sədri WUF13-ün əhəmiyyətini vurğuladı - Baku TV

"Azərbaycan növbəti dəfə dünya üçün nümunəvi ev sahibliyi göstərib. Bu formatın məqsədi insanların yaşana bilən məkanlarla təmin olunması, ölkələrin çətinlik yaradan problemlərə qarşı birgə səylərini birləşdirməsi, mövqelərini uzlaşdırması, maliyyə resurslarını asanlıqla tapması və insanların üzləşdikləri çətinliklərdən qurtulmasına şərait yaratmaqdır".

Bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova Bakıda keçirilən BMT-nin Ümumdünya Şəhərsalma Forumunun 13-cü Sessiyası (WUF13) çərçivəsində Baku TV-yə açıqlamasında bildirib.

O qeyd edib ki, Forumun məqsədi əhəmiyyətlidir və bunun təsiri iştirakçıların böyük marağı ilə görünür:

"Adi insanlar sərgi pavilyonları vasitəsilə dünya ölkələri ilə tanış olur, mədəniyyətləri öyrənir, suallar verib cavab alır. Ən əsası Azərbaycan dünyaya açılır, imkanlarını dünya ictimaiyyətinə təqdim edir və faydalı təşəbbüslərə dəstək göstərir".