"Digər tətbiqlər də bağlanacaq" | Dövlət xidmətləri necə təqdim olunacaq? - Baku TV

Pandemiya dönəmində həyatımıza daxil olan “e-Tabib” tətbiqi fəaliyyətini dayandırır.

Belə ki, Prezident İlham Əliyevin Sərəncamı ilə təsdiq edilmiş “Azərbaycan Respublikasında rəqəmsal inkişafın sürətləndirilməsinə dair 2026–2028-ci illər üçün Fəaliyyət Planı”nın icrası istiqamətində TƏBİB tərəfindən də işlər aparılır.

Rəqəmsal dövlət xidmətlərinin “bir pəncərə” prinsipi ilə təqdim olunması üzrə görülən işlər çərçivəsində “e-Tabib” tətbiqi üzərindən göstərilən xidmətlər artıq “mygov” platformasından təqdim olunur.

Qərar xidmətlərin təkrarlanmasının qarşısını almaq və vətəndaşlara daha çevik xidmət göstərmək məqsədi daşıyır. Beləliklə, “e-Tabib” “mygov” platformasına inteqrasiya edilən növbəti dövlət tətbiqi olub.

Qeyd edək ki, “mygov” bütün dövlət xidmətlərini tək mərkəzdə birləşdirərək vətəndaşlara vahid platforma kimi xidmət göstərir. Bu yanaşma vətəndaşların dövlət xidmətlərinə daha operativ və rahat çıxışını təmin edir.