"Qələbə dairəsi"ndəki xaos necə həll edilməlidir? - Sıxlığın əsas səbəbi isə... | NECƏ OLMALIDIR?

“Necə olmalıdır?” rubrikasının yeni buraxılışı yayımlanıb.

Bu dəfə paytaxtın “Qələbə dairəsi” kimi tanınan ərazisində yaşanan sıxlıq problemi haqqında məlumat verilib.

Qeyd edilib ki, Mətbuat prospektindən gələn nəqliyyat vasitələrinin sürücüləri “Yol ver” nişanının tələbinə riayət etmirlər. Onlar demək olar ki, yarımdairənin ortasında Həsən bəy Zərdabi küçəsindən gələn nəqliyyat vasitələrini gözləyirlər:

“Bu isə günün pik saatlarında ciddi sıxlığa səbəb olur. Kəsişməyə Mətbuat prospektindən daxil olanlar üçün “Yol ver” nişanı yanacaqdoldurma məntəqəsinin yanında qoyulub. Sürücülər isə həm Zərdabi, həm də Salamzadə küçəsindən gələnləri gözləyirlər.

Günün pik saatlarında şərait sıxlıq səbəbindən daha da ağırlaşır. Bu kəsişməni tənzimləməyin bir yolu var: Salamzadə və Zərdabi küçələrində olduğu kimi, Mətbuat prospektindən gələnlər üçün də işıqforlar qoyulmalıdır”.