Sabunçu xəstəxanasında xərəkdən yıxılan xəstə dünyasını dəyişdi

Bakıda avtomobillə vurulan piyadanın Təcili Yardım xərəyindən düşərək həyatını itirdiyi iddia edilir.

Hadisə Hövsan qəsəbəsində baş verib. 1952-ci il təvəllüdlü Rəhmanova Hilda Cavad qızı yolu keçərkən onu Nurlan Həşimovun idarə etdiyi “Opel” markalı avtomobil vurub. Qadın xəsarətlər aldığından 11 saylı Təcili Tibbi Yardım Stansiyası Hövsan filialının əməkdaşları tərəfindən Sabunçu Tibb Mərkəzinə gətirilib.

Hadisəni törətdiyi deyilən sürücü və H.Rəhmanovanın qohumları bildiriblər ki, təcili yardım xidmətinin əməkdaşları yaralını xərəklə rentgen otağına apararkən xərək nasaz olduğundan qadın orada yerə düşüb və ağır xəsarət alaraq həyatını itirib.