Pleyeri seçin:
Satışa 100-dən çox çeşiddə məhsul çıxarıldı | Satıcı və alıcılar danışdı
Bakıda 7-ci “Kənddən şəhərə” Yeni il yarmarkası fəaliyyətə başlayıb.
Yarmarkada ölkənin 30 şəhər və rayonundan gələn 100-ə yaxın fermer təsərrüfatlarında yetişdirdikləri 100-dən çox çeşiddə məhsulu satışa çıxarıblar.
“Aqrar Tədarük və Təchizat” ASC-nin idarə heyətinin sədri Elgün Məhəmmədəlizadənin sözlərinə görə, fermerlərin yarmarkada iştirakı ödənişsizdir:
“Yarmarkada iştirak edən fermerləri piştaxta, tərəzi və digər lazımlı ləvazimatlarla təmin etmişik. Eyni zamanda burada satışa çıxarılan məhsulların keyfiyyətinə Qida Təhlükəsizliyi Agentliyi nəzarət edir”.
Alıcılar yarmarkadakı qiymətlərdən məmnundurlar. Onların sözlərinə görə, digər yerlərə nisbətən burada qiymətlər daha ucuzdur.
“Süd məhsulları, lavaş, pomidor, xiyar, göyərti – evə nə lazımdırsa almışam. Qiymətlər uyğundur”, – deyə alıcılardan biri söyləyib.
Qeyd edək ki, yarmarka dekabrın 30-dək davam edəcək.
Kopyalandı
Seçilmişlər
