Sosial şəbəkədəki pişiklə bağlı bu görüntülər sakinləri özündən çıxardı

Sosial şəbəkələrdə yayılan görüntülərdə pişiyə işgəncə verən şəxslər bunu “zarafat” məqsədilə etdiklərini desələr də, reallıq əksini göstərir. Görüntülərdən aydın olur ki, onların əməli heyvana qarşı zorakılıqdır.

Paytaxt sakinləri sözügedən məsələyə münasibət bildiriblər.

“Heyvanlardan zarafat obyekti kimi istifadə etmək olmaz. Onlar əşya deyillər”, – sakinlərdən biri söyləyib.

Digər bir vətəndaş isə belə deyib: “Heyvanlara şiddət göstərənlər insan deyil, vəhşidirlər”.

Psixoloqların sözlərinə görə, heyvanlara zorakılıq edənlər daha çox empatiya problemləri olan insanlardır.

“Yayılan görüntülər, sadəcə, qəddarlıq videosu deyil. Burada psixoloji və sosial faktorlar var. Belə görüntülər insanlara yanlış mesajlar verə, həmçinin onların digərlərinə olan münasibətinə təsir edə bilər. Bu kimi hallar mütləq şəkildə hüquqi müstəvidə cəzalandırılmalıdır”, – deyə psixoloq Fidan Azərqızı bildirib.