Sumqayıtda dörduşaqlı ailənin maraqlı bağça əhvalatı

Sumqayıtda bir ailənin 4 uşağı onlayn şəkildə ayrı-ayrı bağçalara qəbul olunub.

Şikayətçi İmran Məmmədov övladları üçün Sumqayıt və Abşeron daxilində yerləşən eyni və ya bir-birilərinə yaxın olan bağçaları nəzərdə tutsa da, bu istəyi baş tutmayıb: “Portal bu dörd uşağı ayrı-ayrı ailələrin uşaqları kimi hesab edərək hər birini fərqli bağçalara qeyd edib. Fiziki cəhətdən bu uşaqları saat 09:00-da həmin bağçalara aparıb çatdırmaq mümkünsüzdür”.

Məsələ ilə bağlı Abşeron-Xızı Regional Təhsil İdarəsindən bildirilib ki, Baku TV-nin çəkilişindən sonra İmran Məmmədov yenidən qəbul edilib. Uşaqlardan üçünün Ceyranbatan 2 saylı, birinin isə Sumqayıt şəhər 10 saylı uşaq bağçasına getməsi təmin edilib.