Cəmiyyət
Pleyeri seçin:
Sürücülərə müraciət : Bu yollar bağlanacaq
Aprelin 28-dən 30-na qədər keçiriləcək Formula 1 üzrə Azərbaycan Qran-prisi ilə əlaqədar ayın 24-ü gecə saat 01:00-dan Bakı Şəhər Halqasının əhatə etdiyi prospekt və küçələrdə nəqliyyatın hərəkəti məhdudlaşdırılacaq. Yollarda hərəkət mayın 2-si səhər saat 08:00-dan etibarən bərpa olunacaq.
Bakı Şəhər Halqasından verilən məlumata görə, nəqliyyatın hərəkət məhdudiyyəti 3 zonada tətbiq olunacaq. Birinci zona yarış halqasının əhatə etdiyi İçərişəhər ərazisi, ikinci zona Azadlıq meydanı və onun yaxınlığında yerləşən digər küçələr, üçüncü zona isə BMT-nin 50 illiyi küçəsini əhatə edən ərazidir.
Yarışın keçirildiyi müddətdə qeyd olunan zonalarda yaşayan və ya əmək fəaliyyəti ilə məşğul olan nəqliyyat vasitələrinin sahibləri icazəni tam ödənişsiz əldə edə biləcəklər.
Qeyd edək ki, bu il də 2023-cü il Formula 1 Azərbaycan Qran-prisi müddətində piyadaların hərəkətinə heç bir məhdudiyyət qoyulmayacaq.
Kopyalandı
Seçilmişlər
