Pleyeri seçin:
TƏBİB-dən Hacı Şahinin ölümü ilə bağlı açıqlama
TƏBİB Hacı Şahinin ölümünün səbəbini açıqlayıb.
Qurumdan bildirilib ki, 1974-cü il təvəllüdlü Hacı Şahin Həsənlinin səhhətində yaranan narahatlıqla bağlı TƏBİB-in tabeliyindəki Bakı Şəhəri Təcili və Təxirəsalınmaz Tibbi Yardım Stansiyasına martın 2-də səhər saat 05:30 radələrində çağırış daxil olub.
Qeyd olunub ki, saat 05:43 radələrində təcili tibbi yardım briqadası ünvana çatıb. O, həkim gələnə qədər ürəktutmasından vəfat edib. Ailəsinin bildirdiyinə görə, Hacı Şahin Həsənli martın 1-də özəl tibb müəssisələrindən birinə müraciət edib və müayinələrdən keçib.
Xatırladaq ki, Qafqaz Müsəlmanları İdarəsi sədrinin səlahiyyətli nümayəndəsi, din xadimi Hacı Şahin Həsənli martın 2-si saat 16:00-da “Qurd qapısı” qəbiristanlığında torpağa tapşırılacaq.
Kopyalandı
Seçilmişlər
