Uzun və sağlam yaşamaq istəyirsinizsə, bunları mütləq bilin

Daimi fiziki fəaliyyət, keyfiyyətli yuxu, balanslaşdırılmış pəhriz və stresin idarə edilməsi uzun və sağlam həyat yaşamaq şansınızı əhəmiyyətli dərəcədə artıracaq.

Fizioloq Bredli Elliottun sözlərinə görə, hətta oturaq həyat tərzindən yüngül fəaliyyətə keçid ömrü iki il uzada bilər.

Qidalanma keyfiyyəti də uzunömürlülük üçün vacib amildir.

Harvard Xalq Sağlamlığı Məktəbinin araşdırması göstərib ki, tərəvəz, meyvə, bütöv taxıl, qoz-fındıq və paxlalıların istehlakı daha faydalıdır. Eyni zamanda emal olunmuş ət, qızardılmış qidalar və şirniyyatlardan qaçınmaq tövsiyə edilir.

Stresdən uzaq durmağı məsləhət görən fizioloq əlavə edib ki, müntəzəm yuxu həm də vaxtından əvvəl ölüm riskini azaldır. Onun fikrincə, uzunömürlülük üçün sosial əlaqələr heç də az əhəmiyyət kəsb etmir.

Alim aydınlaşdırıb ki, 65 yaşdan yuxarı aktiv sosial həyat sürən insanlar tənhalardan beş il daha çox yaşaya bilirlər.