Pleyeri seçin:
Vidadi Əliyev 80 yaşını qeyd edir
Hər kəsin sevimlisi, Xalq artisti, kino və teatr aktyoru Vidadi Əliyev 80 illik yubileyini qeyd edir.
Baku TV bu münasibətlə sənətkarla görüşərək onun zəngin yaradıcılıq və həyat yoluna qısa da olsa nəzər salıb.
Xalq artisti bildirib ki, ömrü təlatümlərlə dolu keçib və bu səbəbdən 80 yaşa necə gəldiyini hiss etməyib.
Ailəsindən danışan aktyor özünü sərt ata kimi xarakterizə edib:
“Uşaqlar qorxularından heç vaxt məndən heç nə istəməyiblər. İndinin özündə də bir şey lazım olanda əvvəl Elçin anasına deyir, anası da mənə çatdırır”.
Sənətkar söhbət zamanı mərhum övladı Oqtay Əliyevin itkisini də xatırlayıb.
Onun sözlərinə görə, həmin faciə həyatında dərin iz buraxıb:
“O itki mənə ağır zərbə oldu. Oqtayın yoxluğunu qəbul edə bilmirəm. Onun qəbrinin üstünə ən çox gedən mənəm. Gedəndə hamı məni qınayır ki, niyə molla aparmıram. Apara bilmirəm. Onun ölümünü qəbul edə bilmirəm. Gedirəm, şəklinə baxıram, söhbət edirəm, sonra da çıxıb gəlirəm”.
Kopyalandı
#Vidadi Əliyev teqi istifadə olunub
Seçilmişlər
