Vitaminləri necə qəbul etməliyik? | Həkimdən mühüm xəbərdarlıq

"B" vitaminlər qrupu maddələr mübadiləsi və sinir sisteminə vacibdir, lakin onların faydalı olması üçün düzgün qəbul qaydalarına əməl etmək lazımdır.

Bu barədə rusiyalı endokrinoloq Nataliya Şvedova bəyan edib.

Onun sözlərinə görə, "B3" vitamini yemək zamanı və ya dərhal sonra qəbul edildikdə daha yaxşı mənimsənilir, həmçinin ürəkbulanma və dəridə qızartı kimi yan təsirləri azaldır:

"Bu vitaminin günün birinci yarısında qəbul olunması məsləhətdir, çünki axşam saatlarında qəbul yuxu pozuntusuna səbəb ola bilər. Alkoqol və bəzi dərmanlarla birlikdə qəbul edildikdə niasinin yan təsirləri arta bilər".

Həkim qeyd edib ki, "B5" vitamini də yeməklə birlikdə və günün birinci yarısında qəbul olunmalıdır.

Ekspert hər iki vitaminin protein, taxıl, tərəvəz və qoz-fındıqla zəngin balanslı qidalanma fonunda daha yaxşı sorulduğunu qeyd edib.

Endokrinoloq bildirib ki, ən yaxşı nəticə üçün vitaminləri sabit və yumşaq formalarda qəbul etmək tövsiyə olunur.

Həkim sonda qeyd edib ki, xroniki xəstəlik və ya dərman qəbulu varsa, o zaman mütləq həkimlə məsləhətləşmək lazımdır.