Xaçmazda Birinci Qarabağ müharibəsinin şəhidləri dəfn edildi
Birinci Qarabağ müharibəsindən indiyə qədər itkin kimi qeydiyyata alınan vətəndaşlarımızın taleyinə aydınlıq gəlir.
Bakı şəhərindəki Birinci Şəhidlər xiyabanında naməlum şəhid kimi dəfn edilmiş Birinci Qarabağ müharibəsində itkin düşmüş hesab olunan Adıgözəl Qasımovun meyitinin qalıqları Xaçmaz rayonuna gətirilib. Şəhidin nəşi rayonun Keymərəz kənd qəbiristanlığında dəfn olunub.
Şahlar Ağayevin meyitinin qalıqları da Xaçmaz rayonuna gətirilib. Bu igid Vətən övladı da I Şəhidlər xiyabanında naməlum şəhid kimi dəfn edilmişdi. Şəhidimizin nəşi rayonun Ağçay kənd qəbiristanlığında torpağa tapşırılıb.
Nəşi Xaçmaza gətirilənlər arasında şəhidimiz Hörmət Baratov da olub. Vida mərasimindən sonra onun nəşi rayonun Nərəcan kənd qəbiristanlığında dəfn olunub.
![icon](/images/loading.png)