Xalq artisti Polad Bülbüloğlunun oğluna vəzifə verildi

Üzeyir Hacıbəyli adına Azərbaycan Dövlət Simfonik Orkestrinə yeni dirijor təyin olunub. Bu vəzifəyə Murtuza Bülbül təyin edilib.

Murtuza Bülbül SSRİ Xalq artisti Bülbülün nəvəsi və Xalq artisti Polad Bülbüloğlunun oğludur.

2001-ci ildə doğulan gənc dirijor musiqi təhsilinə Moskvadakı Bethoven adına Uşaq Musiqi Məktəbində başlayıb. 2020-ci ildə Pyotr Çaykovski adına Moskva Dövlət Konservatoriyasının nəzdində fəaliyyət göstərən Akademik Musiqi Kollecini xor dirijorluğu ixtisası üzrə bitirib. Ardınca Moskva Konservatoriyasının opera-simfonik dirijorluq fakültəsini Vyaçeslav Valeyevin rəhbərliyi altında fərqlənmə ilə başa vurub.

Qeyd edək ki, Azərbaycan Dövlət Simfonik Orkestrinin baş dirijoru hazırda Fuad İbrahimovdur. Orkestrdə, həmçinin Mustafa Mehmandarov da dirijorluq fəaliyyətini davam etdirir.