Xarici jurnalistlər Xocalı sakinləri ilə görüşdü

Kanada, ABŞ, İsrail, İrlandiya, İspaniya və Türkiyədən olan bir qrup jurnalist 1992-ci il 26 fevral gecəsi görünməmiş müsibətlərlə üzləşən Xocalı sakinləri ilə görüşüb.

Görüş zamanı xarici jurnalistlər Xocalıda ailə üzvlərini itirən soydaşlarımızın yaşadıqları faciə ilə yaxından tanış olub, həmin dəhşəti onların dilindən eşidiblər.

“Xocalı soyqırımı haqqında eşitmişdim. Lakin bu gün öyrəndiyim məlumatları bilmirdim. Erməni vəhşiliyindən əziyyət çəkən insanların acı hekayələrini eşitmək mənə çox ağır gəldi. Bugünkü görüşün nəticəsi olaraq deyə bilərəm ki, kitabdan oxuduğumuz məlumatlar, əlbəttə ki, şəxsi görüşdə eşitdiklərimizi əvəz edə bilməz”, - deyə “Swagger Magazine”in jurnalisti David Qordon bildirib.

Qeyd edək ki, Xocalı qətliamının 31-ci ildönümü ilə bağlı müxtəlif tədbirlər keçirilib, bir çox təşkilat rəhbərləri, siyasi xadimlər, dövlət rəhbərləri və diplomatik nümayəndəliklər müxtəlif sosial hesablarda dəstək paylaşımları ediblər.