Yeni metrostansiyalarla bağlı hamını maraqlandıran məqamlar

Prezident İlham Əliyevin metro stansiyaları ilə bağlı çıxışından sonra hər kəsi bir sual maraqlandırır.

Yeni inşa olunacaq 10 yeni metro stansiyası paytaxtın hansı istiqamətlərində olacaq? Yeni stansiyaların nə vaxt istifadəyə verilməsi planlaşdırılır?

İnşaat mühəndisi Azər Axundov hesab edir ki, bu 10 stansiya bənövşəyi xətdən Ağ Şəhərə, yaşıl xətdən isə “Həzi Aslanov” stansiyasına kimi uzadılacaq:

“B4” hazırda tikilməkdə olan stansiyadır. Heydər Əliyev İdman Kompleksinin arxasında yerləşir. “B5” stansiyası təxminən Xarici İşlər Nazirliyinin, “B6” stansiyasi isə “Hökumət evi”nin arxasında planlanır. Arada isə “Sahil” keçid stansiyası olacaq, o da “Sahil” stansiyasının yanında düşünülür.

“B7” “Xətai” stansiyası ilə keçid, “B8” stansiyası da Ağ Şəhərin Babək prospekti hissəsinə tərəf düşən hissəsi olmalıdır. “Y15”-“Y16”-“Y17” stansiyaları da “Xətai” ilə “Həzi Aslanov” arasında 8 Noyabr prospekti boyunca yerləşəcək”. “Y14” stansiyası isə Ağ Şəhər ərazisinə düşür” Bununla da 2030-cu ilə qədər Bakıda stansiyaların sayı 37-yə çatdırılacaq.