Cəmiyyət
Pleyeri seçin:
Yevlaxda 8 nəfər "Hepatit A" virusuna yoluxub
Mingəçevirdən sonra Yevlaxda da Hepatit A virusuna yoluxma halı aşkarlanıb.
Rayon Xəstəxanasının Gigiyena və Epidemiologiya Mərkəzindən verilən məlumata görə, sözügedən virus qaraçılar yaşayan məhəllədə qeydə alınıb.
Bildirilib ki, hazırda 8 nəfər dəqiqləşdirilməmiş kəskin virus hepatiti diaqnozu ilə stasionar müalicə alır. Xəstələrin içərisində həm azyaşlı, həm də yuxarı yaşda olan şəxslər var. Onların vəziyyəti hazırda kafidir, sağalmaq üzrədirlər.
Həmçinin qeyd edilib ki, bu infeksiya təmas və qida yolu ilə keçir. Ona görə də dezinfeksiya işlərinin aparılması çox vacibdir.
Gigiyena və Epidemiologiya Mərkəzindən o da bildirilib ki, xəstəliyin yayıldığı ərazilərdə dezinfeskiya işləri aparılır.
Kopyalandı
Seçilmişlər
